ಕೆರೆ ಸಮೀಪದ 6 ಕಾರ್ಖಾನೆ ಮುಚ್ಚಲು ಸಿದ್ಧತೆ

ಕೆರೆ ಸಮೀಪದ 6 ಕಾರ್ಖಾನೆ ಮುಚ್ಚಲು ಸಿದ್ಧತೆ

ಬೆಳ್ಳಂದೂರು ಕೆರೆ ಮಲಿನಗೊಳ್ಳಲು ಕಾರಣವಾದ ಆರು ಅತಿ ಅಪಾಯಕಾರಿ ಕಾರ್ಖಾನೆಗಳನ್ನು ಮುಚ್ಚಿಸಲು ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿ ತಯಾರಿ ನಡೆಸಿದೆ. ಇದರ ಜತೆಗೆ 91 ಅಪಾಯಕಾರಿ ಕಾರ್ಖಾನೆಗಳಿಗೆ ಬೀಗ ಜಡಿಯಲು ಕೂಡ ಚರ್ಚೆ ನಡೆದಿದೆ. ಮಾಲಿನ್ಯ ನಿಯಂತ್ರಣ ಮಂಡಳಿಯಲ್ಲಿ ಗುರುವಾರ ನಡೆದ ಸಭೆಯಲ್ಲಿ, ಬೆಳ್ಳಂದೂರು ಕೆರೆ ಮಲಿನಗೊಳಿಸುತ್ತಿರುವ ಕಾರ್ಖಾನೆಗಳ ಬಗ್ಗೆ ಚರ್ಚೆಯಾಯಿತು. ಈ ಪ್ರದೇಶದಲ್ಲಿ ಒಟ್ಟು 488 ಕಾರ್ಖಾನೆಗಳಿದ್ದು, 97 ಕಾರ್ಖಾನೆಗಳು ಶುದ್ಧ ನೀರನ್ನು ಯಥೇಚ್ಛವಾಗಿ ಬಳಸಿಕೊಂಡು ತ್ಯಾಜ್ಯ ನೀರನ್ನು ಹೊರಹಾಕುತ್ತವೆ. ಇದರಲ್ಲಿ 6 ಕಾರ್ಖಾನೆಗಳು ತ್ಯಾಜ್ಯ ನೀರು ಶುದ್ಧೀಕರಣ ಘಟಕ ಹೊಂದಿಲ್ಲ ಎಂಬುದು ಗೊತ್ತಾಯಿತು. ಹೀಗಾಗಿ ಮೊದಲು ಈ ಆರು ಕಾರ್ಖಾನೆಗಳಿಗೆ ಬೀಗ ಜಡಿಯಲು ತೀರ್ಮಾನಿಸಲಾಗಿದೆ.

ಹಸಿರು ನ್ಯಾಯಮಂಡಳಿಯ ಇತ್ತೀಚಿನ ಆದೇಶದ ಪ್ರತಿ ಮಂಡಳಿಗೆ ಇನ್ನೂ ದೊರೆಯದ ಕಾರಣ ಎರಡು ಅಥವಾ ಮೂರು ದಿನ ಯಾವುದೇ ಕ್ರಮ ಜರುಗಿಸುವುದು ಬೇಡ ಎಂದು ಅಧಿಕಾರಿಗಳಿಗೆ ಸೂಚಿಸಲಾಗಿದೆ. ಕಾರ್ಖಾನೆ ಮುಚ್ಚುವ ಕುರಿತು ಆದೇಶದಲ್ಲಿ ಯಾವ ರೀತಿ ವಿವರಿಸಿದೆ ಎಂಬುದನ್ನು ಅರಿತು ಬಳಿಕವೇ ಕ್ರಮ ಕೈಗೊಳ್ಳಲು ನಿರ್ಧರಿಸಲಾಗಿದೆ. ಕೆಂಪು ವರ್ಗದಲ್ಲಿ 46 ಕಾರ್ಖಾನೆಗಳು ತ್ಯಾಜ್ಯ ನೀರು ಉತ್ಪತ್ತಿ ಮಾಡುವ 97 ಕಾರ್ಖಾನೆಗಳೂ ಸೇರಿದಂತೆ ಒಟ್ಟು 488 ಕಾರ್ಖಾನೆಗಳಲ್ಲಿ 46 ಕಾರ್ಖಾನೆಗಳು ಕೆಂಪು ವರ್ಗದಲ್ಲಿವೆ. ಈ ವರ್ಗದ ಕಾರ್ಖಾನೆಗಳು ಅತಿ ಹೆಚ್ಚು ಪರಿಸರ ಮಾಲಿನ್ಯ ಉಂಟುಮಾಡುತ್ತವೆ. 366 ಕಾರ್ಖಾನೆಗಳು ಹಸಿರು ವರ್ಗದಲ್ಲಿದ್ದು, ಕಡಿಮೆ ಪ್ರಮಾಣದಲ್ಲಿ ಪರಿಸರಕ್ಕೆ ಹಾನಿ ಮಾಡುತ್ತವೆ. ಉಳಿದ 76 ಕಾರ್ಖಾನೆಗಳು ಕೇಸರಿ ವರ್ಗದಲ್ಲಿದ್ದು, ಕೆಂಪು ವರ್ಗಕ್ಕಿಂತ ಸ್ವಲ್ಪ ಕಡಿಮೆ ಪ್ರಮಾಣದ ಮಾಲಿನ್ಯ ಉಂಟುಮಾಡುತ್ತವೆ. ಇವುಗಳಲ್ಲಿ ನಿಗದಿತ ಕಾರ್ಖಾನೆಗಳನ್ನು ಮಾತ್ರ ಮುಚ್ಚಿಸಬೇಕೆ ಅಥವಾ ಎಲ್ಲ ಕಾರ್ಖಾನೆಗಳನ್ನು ಮುಚ್ಚಿಸಬೇಕೆ ಎಂಬುದನ್ನು ಇನ್ನೂ ನಿರ್ಧರಿಸಿಲ್ಲ.

ಬಾಕ್ಸ್‌ ವರ್ಗ ಎಂದರೇನು? ವಾಯು ಮಾಲಿನ್ಯ, ಜಲ ಮಾಲಿನ್ಯ, ಶಬ್ದ ಮಾಲಿನ್ಯ ಪ್ರಮಾಣದ ಆಧಾರದಲ್ಲಿ ಕಾರ್ಖಾನೆಗಳನ್ನು ಕೆಂಪು, ಕೇಸರಿ, ಹಸಿರು ಹಾಗೂ ಬಿಳಿ ಎಂಬ ನಾಲ್ಕು ವರ್ಗಗಳಾಗಿ ವಿಂಗಡಿಸಲಾಗಿದೆ. ಪ್ರತಿ ವರ್ಗದ ಕಾರ್ಖಾನೆಗಳು ಉಗುಳುವ ಹೊಗೆ, ಉಂಟುಮಾಡುವ ತ್ಯಾಜ್ಯವನ್ನು ಲೆಕ್ಕಾಚಾರ ಮಾಡಿ ಮಾಲಿನ್ಯ ಪ್ರಮಾಣಕ್ಕೆ ಅಂಕ (ಪೊಲ್ಯೂಶನ್‌ ಇಂಡೆಕ್ಸ್‌ ಸ್ಕೋರ್‌) ನೀಡಲಾಗಿದೆ. ಕೆಂಪು ವರ್ಗದ ಕಾರ್ಖಾನೆಗಳು 60, ಕೇಸರಿ ಕಾರ್ಖಾನೆಗಳು 41-59, ಹಸಿರು ಕಾರ್ಖಾನೆಗಳು 21-40 ಹಾಗೂ ಬಿಳಿ ಕಾರ್ಖಾನೆಗಳು 20 ರೊಳಗಿನ ಪ್ರಮಾಣದಲ್ಲಿ ಮಾಲಿನ್ಯ ಉಂಟುಮಾಡುತ್ತವೆ. ಬಾಕ್ಸ್‌ ಬೆಳ್ಳಂದೂರು ಕೆರೆ ಸಮೀಪವಿರುವ ಕಾರ್ಖಾನೆಗಳು ಒಟ್ಟು -488 ಕೆಂಪು ವರ್ಗ-46 ಕೇಸರಿ ವರ್ಗ-76 ಹಸಿರು ವರ್ಗ-366 ಬಾಕ್ಸ್‌ ತ್ಯಾಜ್ಯ ನೀರು ಉತ್ಪತ್ತಿ ಮಾಡುವ ಕಾರ್ಖಾನೆಗಳು-97 ತ್ಯಾಜ್ಯ ನೀರು ಶುದ್ಧೀಕರಣ ಘಟಕ ಹೊಂದಿಲ್ಲದ ಕಾರ್ಖಾನೆಗಳು-6